پاکستان پیپلزپارٹی کے سینئر رہنما قادر مندوخیل نے کہا ہے کہ خواہش ہے کہ نواز شریف21اکتوبر کی بجائے کل آجائیں ۔
ہم نیوزکےپروگرام ”ہم دیکھیں گے منصور علی خان کیساتھ” میں قادر مندوخیل نے کہا کہ ہم تمام جماعتوں سے کہتےہیں کہ آئیں ملکر سینیٹ کا اجلاس بلائیں اور ملکر نگران حکومت کو انتخابات کا کہیں۔
جو ٹکراو چاہتے تھے وہ آج پی ٹی آئی میں نہیں ، محمد علی درانی
انہوں نے کہا کہ الیکشن کمیشن کی حرکتوں سے لگتا ہے کہ وہ غیر جانبدار نہیں رہنا چا ہتے، جب ڈیڑھ سال پہلے حلقہ بندیاں ہو گئیں تھیں تو اب کیوں ہوئیں۔
ایک سوال کے جواب میں رہنما پیپلز پارٹی کا کہنا تھا کہ 16ماہ کی حکومت میں مسلم لیگ ن نے جو مانگا زرداری نے دیا، مسلم لیگ ن خود اپنے آپ کو ہم سے دور کر رہی ہے۔
ہم نےجب بھی میثاق جمہوریت اور میثاق معیشت کی بات کی تو ہمیں چور ڈاکو کہا گیا۔
یہاں ایک لیڈر پر مشکل آئی نہیں اور جماعت ٹکڑے ٹکڑے ہو گئی،مریم نواز
قادر مندوخیل کا مزید کہنا تھا کہ جتنے الیکشنز ڈیلے ہوں گے سیاسی جماعتوں کےدرمیان فاصلے کم ہوں گے، الیکشن کمیشن نے الیکشن کا شیڈول ابھی تک جاری نہیں کیا۔
