حیدرآباد: پاکستان کرکٹ ٹیم کے بھارت پہنچنے پر ائیرپورٹ “بابر بھائی” کے نعروں سے گونج اٹھا۔
پاکستانی کرکٹ ٹیم کے بھارت پہنچنے پر ائیرپورٹ پر بھارتی شائقین کی جانب سے شاندار استقبال کیا گیا اور ائیرپورٹ “بابر بھائی” کے نعروں سے گونج اٹھا۔
حیدرآباد ائیرپورٹ پر بھارتی شائقین قومی کرکٹ ٹیم کے کپتان بابر اعظم کی ایک جھلک دیکھنے کو بےتاب نظر آئے اور بابر اعظم کے سامنے آتے ہی “بابر بھائی” کے نعرے لگانے لگے۔
Pakistan ka Bhai India ka Bhai sub ka Bhai “Babar”Bhai 😭😭pic.twitter.com/5tvCbZn5gW
— S (@xtrracover0) September 27, 2023
قومی ٹیم کے ائیرپورٹ پہنچنے پر سیکیورٹی کے انتہائی سخت انتظامات کیے گئے تھے اور سخت سیکیورٹی حصار میں کھلاڑیوں کو گاڑیوں میں سوار کرایا گیا۔ کسی بھی شخص کو کھلاڑیوں کے قریب آنے کی اجازت نہیں تھی۔
ذرائع کے مطابق 20 سے زائد سیکیورٹی کی گاڑیاں ائیرپورٹ پر موجود تھیں جبکہ مختلف چینلز سے پاکستان ٹیم کی بھارت پہنچنے کی لائیو کوریج بھی کی گئی۔
