پاکستان سے امریکی ویزوں کی طلب اب تک کی بلند ترین سطح پر پہنچ گئی۔
امریکی سفارتخانے کے مطابق پاکستان میں امریکی مشن ماضی کی نسبت زیادہ سے زیادہ ویزا درخواستوں کو نمٹانے کے لیے کوشاں ہے، ویزا اپائنٹمنٹ کے انتظار کی مدت میں کمی لانے کے لیے سخت محنت کر رہے ہیں۔
بیرون ملک جانے کے خواہشمند افراد کیلئے اہم خبر
سفارتخانے کے مطابق ویزا کی مانگ میں اضافہ کے پیش نظر درخواست گزاروں کی سہولت کیلئے تین طریقوں سے کام کررہے ہیں، اول، نان امیگرنٹ ویزا کیلئے ہزاروں درخواستوں پر عمل درآمد تیزکر دیا گیا ہے۔
دوم ، سفر کے خواہاں پاکستانیوں کو یہ اضافی رعایت دی گئی ہے کہ وہ اپنی اپائنٹمنٹ منسوخ کرنے کے بعد امریکی قونصل خانہ کراچی یا امریکی سفارتخانے اسلام آباد میں جو بھی اُن کیلئے مناسب ہو، اسے دوبارہ شیڈول کر سکتے ہیں۔
اِسی طرح 25 ستمبر سے امریکی قونصل خانہ کراچی میں انٹرویو سے مستثنیٰ ایسے امیدواروں کی درخواستیں قبول کرنے کا سلسلہ شروع کیا جا رہا ہے جنہیں پہلے کراچی سے امریکی ویزا جاری کیا گیا تھا۔
کینیڈا جانے کے خواہشمند پاکستانیوں کیلئے بڑی خوشخبری
امریکی سفارتخانے کے مطابق درخواست گزار انٹرویو سے مستثنیٰ ہونے سے متعلق اپنی اہلیت کی جانچ پڑتال کے لیے ہماری ویب سائٹ یو ایس ٹریول ڈاکس ڈاٹ کام سلیش پی کے پررجوع کر سکتے ہیں۔
پرنٹ کرنے کے بعد اپائنٹمنٹ کے بغیر ہی کراچی میں اے اِی جی کے ڈراپ باکس میں درخواست سمیت اپنے ضروری کوائف جمع کروا سکتے ہیں، اسلام آباد میں امریکی سفارتخانہ پہلے ہی استثنا کے اہل ایسے ویزا امیدواروں کی درخواستیں قبول کر رہا ہے ، جن کو پہلے بھی اسلام آباد سے ویزا جاری ہوا تھا۔
