اہلِ کراچی کے لیے بری خبر ہے کہ حکومت نے شہر قائد کے بجلی صارفین پر 24 ارب 50 کروڑ روپے کا اضافی بوجھ ڈالنے کا فیصلہ کیا ہے۔
حکومت کی جانب سے کراچی کے صارفین کے لیے بجلی کے بلوں پر 1 روپے 52 پیسے سرچارج لگانے کا فیصلہ کیا ہے۔
اس اضافی سرچارج سے کراچی کے شہریوں پر 24 ارب 50 کروڑ روپے کا اضافی بوجھ پڑے گا،1.52 روپے کے اس سرچارج کا اطلاق ایک سال کے لیے ہوگا۔
پاکستان بزنس فورم نے مختلف محکموں سے بجلی کے مفت یونٹس کو ختم کرنے کا مطالبہ کر دیا
بجلی کے بلوں پر عائد سرچارج سہ ماہی ایڈجسٹمنٹ کی مد میں لگایا جارہا ہے، اس سلسلے میں وفاقی حکومت نے نیپرا میں درخواست جمع کرادی ہے۔
اس درخواست پر نیشنل الیکٹرک پاور ریگولیٹری اتھارٹی 15 اگست کو سماعت کرے گا،نیپرا سماعت کے بعد منظوری کے حوالے سے حتمی فیصلہ کرے گا۔
