الیکشن کمیشن کی جانب سے ووٹ کے اندراج،کوائف کی درستگی، اخراج اور منتقلی ووٹ کی تاریخ میں 20 جولائی تک توسیع کردی گئی ہے۔
الیکشن کمیشن نے اپنے اعلامیے میں کہا ہے کہ اب ووٹ کے اندراج، اخراج و درستگی کی آخری تاریخ 20 جولائی 2023 ہے،ووٹر اپنے ووٹ سے متعلق معلومات حاصل کرنے کے لیے اپنا شناختی کارڈ نمبر 8300 پر ایس ایم ایس کرکے اپنے ووٹ سے متعلق تفصیلات حاصل کر سکتے ہیں۔
حکومت 14 اگست کو ختم،انتخابات کی تاریخ الیکشن کمیشن دے گا، وزیراعظم
ووٹ کا اندراج شناختی کارڈ پر موجود مستقل یا عارضی پتے میں سے کسی ایک پر کروایا جاسکتا ہے، الیکشن کمیشن کے اعلامیہ کے مطابق اگر ووٹر اپنے ووٹ کا اندراج، منتقلی، اخراج یا کوائف میں درستگی کروانا چاہتے ہیں تو الیکشن کمیشن کی ویب سائٹ سے فارم ڈاؤن لوڈ کریں اور پُر کرنے کے بعد اپنے متعلقہ ضلعی الیکشن کمشنر کے دفتر میں جمع کروادیں۔
ووٹرز کو ہدایت کی گئی ہے کہ اندراج و منتقلی ووٹ کے لیے فارم نمبر 21استعمال کریں، اعتراض اور اخراج ووٹ کے لیے فارم نمبر 22 استعمال کیا جائے،کوائف کی درستگی کے لیے فارم نمبر 23 استعمال کیا جائے۔
