سرگودھا کے علاقے بھلوال کے قریب مسافر وین میں سلنڈر پھٹنے سے 7 افراد جان کی بازی ہار گئے۔
یہ افسوسناک واقعہ وین میں سلنڈر لیکج کی وجہ سے ہوا جس سے اچانک آگ بھڑک اٹھی۔
ریسکیو ذرائع کے مطابق حادثے میں 14 افراد زخمی ہوئے ہیں جنہیں تحصیل ہیڈ کوارٹر اسپتال بھلوال منتقل کر دیا گیا ہے۔
دیوسائی ٹاپ کے قریب سیاحوں کی گاڑی کوحادثہ،5 افراد جاں بحق
اکیس مسافروں کو وین بھلوال سے کوٹ مومن لے کر جا رہی تھی۔
نگران وزیراعلیٰ پنجاب محسن نقوی نے بھلوال میں وین میں آتشزدگی سے ہلاکتوں پر افسوس کا اظہار کیا ہے اور جاں بحق افراد کے لواحقین سے تعزیت کی ہے۔
نگران وزیراعلیٰ پنجاب محسن نقوی کی کمشنر و ڈپٹی کمشنر سرگودھا کو موقع پر پہنچنے کی ہدایت کی اور کمشنر اور آر پی او سرگودھا سے رپورٹ طلب کرتے ہوئے تحقیق کا حکم دے دیا ہے۔
