راولپنڈی: شمالی وزیرستان کے علاقے میران شاہ میں گاڑی میں سوار خودکش بمبار کے دھماکے میں 3 سیکیورٹی اہلکار شہید ہوگئے ہیں۔
شہیدمیجر ثاقب حسین اور نائیک باقر علی فوجی اعزازکیساتھ سپرد خاک
پاک فوج کے شعبہ تعلقات عامہ (آئی ایس پی ار) کے مطابق خودکش دھماکے میں 3 شہری شدید زخمی بھی ہوئے ہیں۔
آئی ایس پی آر کے مطابق شہید ہونے والوں میں نائب صوبیدار صاحب خان، نائیک محمد ابراہیم اور سپاہی جہانگیر شامل ہیں۔
آئی ایس پی آر کے مطابق خود کش بمبار سیکیورٹی فورسز کی چوکی کو نشانہ بنانا چاہتا تھا، ڈیوٹی پر تعینات جوانوں نے بروقت کارروائی کرکے بڑے سانحہ سے بچا لیا۔
تربت ،خاتون کا خودکش دھماکہ ، ایک پولیس اہلکار شہید
پاک فوج کے شعبہ تعلقات عامہ کے مطابق سیکیورٹی فورسز پاکستان سے دہشتگردی کی لعنت کے خاتمے کے لیے پرعزم ہیں، بہادر جوانوں کی ایسی قربانیاں ہمارے عزم کو مزید مضبوط کرتی ہیں۔
