کراچی: فلم اور ٹیلی ویژن کے لیجنڈ اداکار شکیل کو آہوں اور سسکیوں کے ساتھ کراچی میں سپرد خاک کر دیا گیا، مرحوم کی نماز جنازہ اور تدفین میں گورنر سندھ کامران ٹیسوری اور شوبز شخصیات نے بھی شرکت کی۔
فلم اور ٹیلی ویژن کے لیجنڈ اداکار شکیل کا انتقال ہو گیا
مرحوم اداکار شکیل کو شہر قائد کے علاقے ڈیفنس کے قبرستان میں سپرد خاک کیا گیا۔ قبل ازیں سلطان مسجد میں ان کی نماز جنازہ ادا کی گئی۔
مرحوم کی نماز جنازہ اور تدفین میں عزیز واقارب کے علاوہ گورنر سندھ ، بہروز سبز واری، خالد انعم، فیصل قریشی اور شوبز کی دیگر شخصیات کے علاوہ عزیز و اقارب اور لوگوں کی بڑی تعداد نے شرکت کی۔
مورو، مسافر کوچ اور کار میں تصادم، 8 افراد جاں بحق، 20 سے زائد زخمی
اداکار شکیل گزشتہ روز 85 سال کی عمر میں کراچی کے سی ایم ایچ اسپتال میں انتقال کر گئے تھے جہاں وہ گزشتہ چند روز سے زیر علاج تھے۔
فنی دنیا میں شکیل کے نام سے معروف یوسف کمال 29 مئی 1938 کو بھوپال میں پیدا ہوئے تھے جب کہ ان کا آبائی علاقہ لکھنؤ تھا۔
پاکستان میں رومانیہ کے سفیر نکولائی گوئیا انتقال کر گئے
مرحوم اداکار شکیل نے تھیٹر، ریڈیو، فلم اور ٹیلی ویژن میں اپنے فن کے جوہر دکھائے اور جو پذیرائی انہیں چھوٹے اسکرین پہ ملی وہ بلاشبہ بہت کم فنکاروں کو نصیب ہوئی۔
