واشنگٹن: امریکہ نے ایک بار پھر پاکستان میں رجیم چینج کے بیانیے کو جھوٹ قرار دے دیا۔
نائب ترجمان امریکی محکمہ خارجہ ویدانت پٹیل نے پریس بریفنگ دیتے ہوئے کہا کہ امریکی سازش سے متعلق الزامات صریحاً جھوٹ ہیں اور پاکستانی سیاست کے فیصلے پاکستانی عوام نے کرنے ہیں جو آئین کے مطابق ہوں۔
انہوں نے کہا کہ کہ خدیجہ شاہ کے کیس کو فالو کر رہے ہیں کیونکہ خدیجہ شاہ کی دہری شہریت ہے اور ہم پاکستانی حکام سے براہ راست رابطے میں ہیں اور کہا ہے کہ خدیجہ شاہ کو قونصلر رسائی دی جائے۔
یہ بھی پڑھیں: جان بچانے کی کوشش میں غلطی، سابق وزیر چل بسے
ویدانت پٹیل نے کہا کہ کوئی امریکی شہری گرفتار ہوتا ہے تو ہم ان کی ممکنہ مدد کے لیے تیار رہتے ہیں اور دوسرے ممالک سے کہا ہے کہ گرفتار امریکیوں کے لیے طریقہ کار کو سامنے رکھیں۔
انہوں نے کہا کہ بھارتی وزیر اعظم کے دورہ امریکہ پر تمام معاملات پر بات ہو گی جبکہ انسانی حقوق اور مذہبی آزادی کا معاملہ بھی مودی سے بات چیت کا حصہ ہو گا۔
