افغانستان میں ایک سکول کی 60 طالبات کو زہر خوانی کے باعث ہسپتال میں داخل کیا گیا ہے۔
عالمی میڈیا رپورٹس کے مطابق افغان صوبے سر پول میں لڑکیوں کے ایک سکول میں نامعلوم افراد داخل ہوئے اور کلاسوں میں زیر تعلیم لڑکیوں کو زہر دیدیا۔ جس کے بعد درجنوں طالبات کی حالت بگڑ گئی۔
طالبات کو مسلسل الٹیوں اور قے ہونے کے بعد نیم بے ہوشی کی حالت میں ہسپتال منتقل کیا گیا جہاں ان کی سخت نگہداشت کی جارہی ہے۔ خوش قسمتی سے کوئی جانی نقصان نہیں ہوا۔
ابھی یہ واضح نہیں کہ طالبات کو زہریلا کھانا دیا گیا تھا یا کلاس روم میں زہریلی گیس چھوڑی گئی تھی۔ پولیس تحقیقات کر رہی ہے تاہم کوئی گرفتاری عمل میں نہیں لائی گئی۔
