پارٹی یا گروپ رجسٹرڈ کروانے کے حوالے سے ترین گروپ کشمکش کا شکار


جہانگیر ترین گروپ کے کچھ اراکین پارٹی رجسٹرڈ کروانے کے حامی ہیں جبکہ دیگر اراکین کی جانب سے گروپ رجسٹرڈ کروانے کا مشورہ دیا گیا ہے۔

ترین گروپ کے ذرائع کے مطابق نئی سیاسی پارٹی بنانے یا گروپ رجسٹرڈ کروانے کے حوالے سے اب تک فیصلہ نہیں ہوسکا۔ سیاسی پارٹی یا گروپ بنانے سے متعلق جہانگیر ترین کی طرف سے گروپ رہنماؤں کا ایک اور مشاورتی اجلاس طلب کر لیا گیا ہے۔

جہانگیر ترین کی نئی پارٹی کیلئے کوئی نام سامنے نہیں آیا، ذرائع ترین گروپ

ذرائع کا کہنا ہے کہ ترین گروپ کے کچھ ارکین پارٹی جبکہ کچھ گروپ رجسٹرڈ کروانے کے حامی ہیں۔ پارٹی یا گروپ رجسٹرڈ کروایا جائے گا، اس کا حتمی فیصلہ آج کیے جانے کا امکان ہے۔

ذرائع نے بتایا ہے کہ اس وقت حکومت اتحادی ہیں، نئی پارٹی رجسٹرڈ کروانا قبل ازوقت ہو گا۔ پارٹی اور گروپ رجسٹرڈ کروانے سے متعلق دو مختلف آراء ہیں۔


متعلقہ خبریں