عامر کیانی نے پی ٹی آئی سے علیحدگی کی تصدیق کردی

محمود مولوی کے بعد پاکستان تحریک انصاف (پی ٹی آئی) کے رہنما عامر کیانی نے پی ٹی آئی سے علیحدگی کی تصدیق کردی۔

اپنے ایک بیان میں انہوں نے کہا کہ میرے آباؤ اجداد فوج میں ہیں، محاذ آرائی کا سوچ بھی نہیں سکتا۔ سیاست میں جتنا گندا ہوچکا اب سیاست نہیں کرسکتا۔ پارٹی ہی نہیں سیاست بھی چھوڑ رہا ہوں۔

کہا گیا کہ کور کمانڈر ہاؤس جاکر آگ لگانی ہے، پی ٹی آئی رہنما کا الزام

عامر کیانی نے مزید کہا کہ میرے ساتھ اور لوگ نہیں، اکیلا اعلان کروں گا۔ فیصلہ 2 ماہ پہلے کرلیا تھا اعلان آج کروں گا۔

ذرائع کے مطابق عامر کیانی آج شام 5 بجے پریس کانفرنس میں باقاعدہ اعلان کریں گے۔