واشنگٹن: امریکی فوج کے پائلٹس کو فوری طور پر گراؤنڈ کرنے کا حکم دے دیا گیا ہے، حکم آرمی کے چیف آف اسٹاف جنرل جیمز میک کونویل نے جاری کیا ہے۔
امریکی فوج کے دو بلیک ہاک ہیلی کاپٹرز ٹکرا کر تباہ، 9 فوجی ہلاک
مؤقر ویب سائٹ فلائٹ گلوبل اور این پی آر کے مطابق امریکی آرمی کے چیف آف اسٹاف نے یہ حکمنامہ فوجی ہیلی کاپٹرز کے تسلسل کے ساتھ گرنے کے واقعات پیش آنے کی وجہ سے جاری کیا ہے۔
خبر رساں اداروں کے مطابق گزشتہ چند ہفتوں کے دوران امریکی فوج کے چار ہیلی کاپٹرز گر کر تباہ ہوئے ہیں جس کے بعد ان تمام پائلٹس کو گراؤنڈ کردیا گیا ہے جو کسی اہم مشن کا حصہ نہیں ہیں۔
یاد رہے کہ گزشتہ ہفتے دو اپاچی ہیلی کاپٹروں کے آپس میں ٹکرانے کا حادثہ پیش آیا تھا جس میں تین فوجی ہلاک جبکہ ایک زخمی ہوا تھا جب کہ دو ہفتے قبل بھی ریاست کینٹکی میں دو بلیک ہاک ہیلی کاپٹرز گر کر تباہ ہو چکے ہیں جس میں 9 فوجی جان سے گئے تھے۔
سرکاری ہیلی کاپٹر کے غلط استعمال پر سابق سربراہ مملکت کو سزا
امریکی فوج کی جانب سے جاری کردی بیان میں کہا گیا ہے کہ چیف آف سٹاف جنرل جیمز میک کونویل کے احکامات کے تحت تمام پائلٹس ضروری ٹریننگ مکمل کرنے کے بعد ہی ہیلی کاپٹرز اڑانے کے مجاز ہوں گے جب امریکی آرمی رسک مینجمنٹ یعنی خطرات سے بچنے کے نظام، طیاروں کی دیکھ بھال کے ٹریننگ پروگرام، فضائی عملے کی ٹریننگ اور دیگر متعلقہ عوامل کا جائزہ لے گی۔
