نامور پاکستانی اداکار، ہدایت کار اور مصنف ڈاکٹر خالد سعید بٹ گزشتہ روز انتقال کرگئے۔
سماجی رابطے کی ویب سائٹ ٹوئٹر میں جاری کردہ ٹویٹ میں عثمان خالد بٹ نے اس افسوسناک خبر سے آگاہ کیا۔ انہوں نے لکھا کہ میرے پیارے والد محترم ڈاکٹر خالد سعید بٹ 13 اپریل کی رات انتقال کرگئے۔ انکی خواہش کے مطابق نمازِ جنازہ نماز جمعہ کے بعد ڈھائی بجے خالد مسجد لاہور میں ادا کی جائے گی۔
عثمان خالد بٹ نے لکھا کہ فنون لطیفہ کے میدان میں میرے والد کی خدامت کئی گنا ہیں اور پاکستان کے فنون و ثقافت میں ان کا تعاون بے پناہ ہے۔ وقت آنے پر ہم ان کے بارے میں تفصیل سے بات کریں گے۔
سینیئر پاکستانی اداکار طارق جمیل انتقال کرگئے
انہوں نے ڈاکٹر خالد سعید بٹ کی خدمات کا تذکرہ کرتے ہوئے لکھا کہ وہ پاکستان نیشنل کونسل آف آرٹس کے بانی ڈائریکٹر جنرل رہ چکے ہیں۔ اس کے علاوہ لوک ورثہ کے سابق ڈی جی، سابق ایم ڈی این اے ایف ڈی ای سی اور سابق ڈی جی نیشنل ہجرہ کونسل تھے۔
Janazah will be held right after jummah prayers. https://t.co/d0iXRn3zko
— Osman Khalid Butt (@aClockworkObi) April 14, 2023
عثمان خالد بٹ نے مزید لکھا کہ وہ اسٹیج اور اسکرین کے ایک معزز اداکار، ہدایت کار اور مصنف تھے۔ وہ پاکستان ٹیلی ویژن کے کئی اداکاروں کے کیریئر کے آغاز کے ذمہ دار تھے۔ انہیں حکومت کی جانب سے صدارتی ایوارڈ برائے حسنِ کارکردگی سے بھی نوازا جاچکا ہے۔
