ڈیجیٹل مردم شماری کی تاریخ میں پانچ دن کی توسیع

ڈیجیٹل مردم شماری کی تاریخ میں پانچ دن کی توسیع

اسلام آباد: وفاقی ادارہ سماریات نے ڈیجیٹل مردم شماری کی تاریخ میں پانچ دن کی توسیع کرکے نوٹی فکیشن جاری کردیا ہے۔

مردم شماری کی تاریخ میں 10 اپریل 2023 تک توسیع

ترجمان وفاقی ادارہ شماریات کی جانب سے جاری کردہ نوٹی فکیشن کے تحت مردم شماری اب 15 اپریل تک جاری رہے گی۔

اس ضمن میں وفاقی ادارہ شماریات کے ترجمان نے بتایا ہے کہ پہلی ڈیجیٹل مردم شماری کے تحت 97 فیصد سے زائد کام مکمل ہو گیا ہے۔

نظام عدل انصاف نہیں دے سکتا، بدلنا پڑیگا، مردم شماری کے بغیر الیکشن متنازع ہوں گے، سعد رفیق

وفاقی ادارہ شماریات کے مطابق پنجاب میں مردم شماری کا کام 99 فیصد مکمل ہو گیا ہے، سندھ میں 98 فیصد، بلوچستان میں 82 فیصد مکمل ہوا ہے جب کہ  آزاد جموں و کشمیر اور خیبرپختونخوا میں مردم شماری کا کام مکمل ہو چکا ہے۔

ترجمان وفاقی ادارہ شماریات کے تحت وفاقی دارالحکومت اسلام آباد میں مردم شماری کا کام 90 فیصد مکمل کرلیا گیا ہے۔ اعداد و شمار کے تحت 156 میں سے 131 اضلاع میں مردم شماری کا کام مکمل ہو چکا ہے۔

ایک شخص کی تین بیویاں، سب کے 18، 18 بچے، مردم شماری کرنیوالی کا سر چکرا گیا

وفاقی ادارہ شماریات کے مطابق پاکستان میں 39.65 میں سے 38.54 ملین گھرانوں کے افراد کا ڈیٹا حاصل کیا جا چکا ہے۔


متعلقہ خبریں