ڈپٹی کمشنر لاہور نے پاکستان تحریک انصاف کو ریلی کی اجازت دینے سے معذرت کر لی۔
ڈپٹی کمشنرلاہور نے پی ٹی آئی رہنماؤں سے رابطہ کر کے بتایا ہے کہ کرکٹ میچ کی وجہ سےکل ریلی کی اجازت نہیں دی جا سکتی۔
ان کا کہنا ہے کہ کرکٹ میچ کےانعقاد اور ٹیم کی آمدو رفت کی وجہ سے انتہائی حساس دن ہے، پی ٹی آئی نے ریلی ملتوی نہ کی تو دفعہ 144 کے نفاذ کےسوا کوئی چارہ نہیں ہوگا۔
پی ٹی آئی نے لاہور میں سیاسی ریلی نکالنے کا اعلان کردیا، قیادت عمران خان کریں گے
خیال رہے کہ ویڈیو لنک خطاب کرتے ہوئے پی ٹی آئی کے چیئرمین عمران خان نے کل دوپہر 2 بجے انتخابی ریلی کی قیادت کرنے کا اعلان کردیا۔
عمران خان نے کہا کہ کل لاہور میں انتخابی ریلی کی قیادت کروں گا، مجھے پتہ ہے انہیں الیکشن سے بھاگنے کیلئے کچھ کرنا ہے، یہ مجھے قتل کرنا چاہتے ہیں، کسی اور کو بھی قتل کروا سکتے ہیں۔
