پشاور زلمی کے وکٹ کیپر اوپنر محمد حارث نے کہا کہ میرا سافٹ ویئر اپ ڈیٹ ہوگیا ہے، احسان اللہ سے متعلق میں اپنے الفاظ واپس لیتا ہوں۔
لاہور قلندرز کے خلاف میچ کے بعد انٹرویو کے دوران شاہین شاہ آفریدی محمد حارث کے قریب سے گزرے اور انہیں کہا کہ تم نے احسان اللہ کے بارے کیا کہا تھا؟ ہاں
حارث شاہین کا سوال سن کر ہنس پڑے اور بولے کہ میرا سافٹ ویئر اپ ڈیٹ ہو گیا ہے، میں اپنے الفاظ واپس لے لیتا ہوں۔
انہوں نےکہا کہ شاہین ایک ورلڈ کلاس بولر ہے، اچھے بولرز کو میں مانتا ہوں، انجری کے بعد انہوں نے بہترین کم بیک کیا ہے۔
احسان اللہ کی خوش قسمتی ہے وہ مجھ سے بچ گیا، محمد حارث
گزشتہ روز لاہور قلندرز نے پی ایس ایل کی تاریخ کا تیسرا بڑا ٹوٹل بنانے کا ریکارڈ بنایا جسے پشاور زلمی حاصل کرنے میں ناکام رہی۔
ہدف کے تعاقب میں جب پشاور نے بٹینگ کا آغاز کیا تو شاہین کی پہلی ہی گیند پر حارث نے شاٹ کھیلی جس سے ان کا بلا دو ٹکرے ہو گیا۔
اس موقع پر حارث نے نیا بلا منگوایا جو ان کے لیے برا ثابت ہوا اور شاہین کی گیند پر وہ کلین بولڈ ہو گئے۔
