بیجنگ: چین کی ایک کمپنی نے نوکری کے امیدواروں کی قابلیت جانچنے کے لیے چہروں پر ماسک پہنا دیئے گئے تاکہ چہروں کے بجائے قابلیت کو ترجیح دی جائے۔
غیر ملکی خبر رساں ایجنسی کے مطابق چینی کمپنی نے ملازمت کے لیے آنے والے امیدواروں کے ساتھ ایک انوکھا تجربہ کیا اور انہیں ماسک پہنا کر انٹرویو کرایا گیا جبکہ انٹرویو کرنے والے افسر کو بھی ماسک پہنایا گیا۔
اس حوالے چینی کمپنی کا کہنا تھا کہ وہ اپنے ادارے میں شکل و صورت کے بجائے قابلیت کی بنیاد پر لوگوں کو رکھنا چاہتے ہیں اور شکل و صورت کی وجہ سے امتیاز کا خاتمہ چاہتے ہیں۔
سوشل میڈیا پر جاری کردہ تصاویر میں امیدواروں کو ماسک پہنا دکھایا گیا ہے۔
یہ بھی پڑھیں: بیوی سے انعامی رقم چھپانے پر ہرجانہ ادا کرنے کا حکم
کمپنی “چینگ ڈو آنٹ لاجسٹکس” نے ششماہی میلہ ملازمت میں اپنے لیے میڈیا آپریٹر، لائیواسٹریم براڈ کاسٹر اور ڈیٹا اینالسٹ کی پوزیشن کے لیے انٹرویو کیے تھے اور چہرہ چھپانے کا ایک مقصد یہ بھی تھا کہ ملازم کسی قسم کا دباؤ محسوس نہ کریں۔
