لاہور: پنجاب میں پہلی بار ایک خاتون عاصمہ حامد کو ایڈووکیٹ جنرل پنجاب تعینات کر دیا گیا ہے۔
پیر کے روز سامنے آنے والی اطلاع میں کہا گیا ہے کہ وزیراعلی پنجاب کی منظوری کے بعد عاصمہ حامد کی بطور ایڈووکیٹ جنرل پنجاب تعیناتی کا نوٹفکیشن جاری کردیا گیا ہے۔
ہم نیوز کے مطابق پہلی مرتبہ ایک خاتون وکیل کو ایڈووکیٹ جنرل پنجاب تعینات کرنے کا فیصلہ کیا گیا ہے۔
سیکرٹری قانون ڈاکٹر سید عبدالحسن نجمی کے دستخطوں سے جاری ہونے والے نوٹیفیکیشن میں کہا گیا ہے کہ گورنر نے ان کی تعیناتی کی منظوری دے دی ہے۔