تحریک انصاف کے رہنما شہباز گل نے بغاوت پر اکسانے کے کیس میں ضمانت کے لیے سیشن کورٹ میں درخواست دائر کر دی۔
شہباز گل نے درخواست میں موقف اختیار کیا کہ ان کے خلاف مقدمہ بد نیتی اور سیاسی بغض کی بنیاد پر بنایا گیا، ان کے بیان کو توڑ مروڑ کر اور تقریر کا کچھ حصہ اٹھا کر مقدمہ درج کیا گیا،ضمانت کی درخواست منظور کی جائے۔
یہ بھی پڑھیں:شہباز گل کو اڈیالہ جیل منتقل کردیا گیا
تحریک انصاف کے رہنما نے کہا کہ وہ میں پروفیسر ہیں اور بیرون ملک درس گاہوں میں پڑھاتے رہے ہیں، مقدمہ میں جو دفعات لگی ہیں وہ بنتی ہی نہیں۔ مجھے بد نیتی کے تحت مقدمہ میں پھنسایا گیا ہے۔
واضح رہے کہ شہباز گل بغاوت پر اکسانے کے مقدمے میں اڈیالہ جیل میں ہیں۔ان کے خلاف یہ مقدمہ ریاستی اداروں کے خلاف ہرزہ رسائی پر نو اگست کو تھانہ کوہسار میں درج کیا گیا تھا ۔
