چیئرمین تحریک انصاف عمران خان نے کہا ہے کہ غلامی نامنظور مارچ پاکستان کی حقیقی آزادی کا پیش خیمہ ثابت ہو گا۔
انہوں نے یہ بات اپنی زیر صدارت پارٹی رہنماوں کے اجلاس میں کہی جس میں ملک کی سیاسی صورتحال اور ملک گیر عوامی رابطہ مہم پر تبادلہ خیال کیا گیا۔
اجلاس میں چاند رات کو بڑے پیمانے پر عوام کے نکلنے پر اطمینان کا اظہار جب کہ میانوالی، جہلم، فیصل آباد میں جلسوں پر تبادلہ خیال کیا گیا۔
Chairman PTI @ImranKhanPTI chaired the core committee group meeting in Bani Gala today. #الیکشن_کراو_پاکستان_بچاو pic.twitter.com/bjsNpWtnRJ
— PTI (@PTIofficial) May 3, 2022
اس موقع پر انہوں نے کہا کہ حکومت تبدیلی کی غیرملکی سازش کی ایک اورمعتبرشہادت امریکاسےموصول ہوئی، ملکی آزادی کوغلامی کی زنجیروں میں جکڑنےکیلئے مقامی میرجعفرسہولت کار بنے، پاکستان کو حقیقی آزادی دلوانے کا عزم کیا ہے ،پیچھے نہیں ہٹیں گے۔
عمران خان نے کہا کہ قوم سیاسی تقسیم سے بالاترہوکرملکی آزادی کے تحفظ کے ایجنڈے کے ساتھ ہے۔
ان کا کہنا تھا کہ غلامی نامنظور مارچ پاکستان کی حقیقی آزادی کا پیش خیمہ ثابت ہوگا، قوم تیار رہے، کٹھ پتلیوں کے خلاف تحریک کومنطقی انجام تک پہنچائیں گے۔
