اسلام آباد: پاکستان تحریک انصاف کے رہنما شہباز گل نے کہا کہ شہباز شریف نیازی قوم سے معافی مانگیں۔
پاکستان تحریک انصاف (پی ٹی آئی) کے رہنما شہباز گل نے سپریم کورٹ کے باہر میڈیا سے گفتگو میں کہا کہ مولانا فضل الرحمان نے رات کی تاریکی میں ایک بیان دیا کہ اگر عدالت کا یہ فیصلہ آیا تو ہمیں منظور نہیں ہو گا۔ یہ لوگ آئین کو مانتے ہیں نہ قانون کو۔ فضل الرحمان عدالت میں بتائیں کہ فیصلہ نہیں مانتا۔
انہوں نے کہا کہ شہباز شریف نیازی قوم سے معافی مانگیں۔ باپ اور بیٹے میں مقابلہ چلتا ہے۔ یہ لوگ بار بار فرح خان کا سوال پوچھتے ہیں لیکن فرح خان آپ کے ہی رکن صوبائی اسمبلی کی بہو ہے۔
یہ بھی پڑھیں: ہم ملک کو انتشار سے بچانا چاہتے ہیں، مولانا فضل الرحمان
شہباز گل نے کہا کہ سبطین خان کو نیب نے کیس میں بلایا جس کا اس سے کوئی تعلق نہیں تھا اور ایک طرف علیم خان ہیں جن کو نیب کا نوٹس جنوری میں آیا۔ یہ لوگ بار بار کہتے تھے کہ عوام کے پاس جائیں۔
انہوں نے کہا کہ میں ویک اینڈ پر بیرون ملک جا رہا ہوں اور پیر کو واپس آجاؤں گا یہ میں اس لیے بتا رہا ہوں کہ کہیں یہ لوگ یہ نہ کہیں کہ بھاگ گیا۔ عمران خان کے ساتھ ہوں اور ساتھ ہی کھڑا رہوں گا۔
رہنما پی ٹی آئی نے کہا کہ عمران خان واپس آئیں گے اور شوگر مل والوں سے کسانوں کے پیسے دلوا کے رہیں گے۔ ایک شخص یہاں آ کر کہتا ہے ایبسلوٹلی فراڈ ہے اور وہ شخص ایبسلوٹلی نیچ ہے۔ اسد عمر ہماری جماعت کے لیڈر ہیں ہم ان کے سپورٹر اور ووٹر ہیں۔
