اسلام آباد: پاکستان تحریک انصاف (پی ٹی آئی) کے رہنما سینیٹر فیصل جاوید نے کہا ہے کہ بیرونی سازش کو سب مل کر ناکام بنائیں گے۔
پی ٹی آئی کے رہنما سینیٹر فیصل جاوید نے سماجی رابطے کی ویب سائٹ ٹوئٹر پر لکھا کہ وزیر اعظم عمران خان 100 فیصد کامیاب ہوں گے اور ہم کسی بھی ملک کے ساتھ تعلقات خراب نہیں کرنا چاہتے۔
PM Imran Khan is winning 100% insha’ALLAH.
— Faisal Javed Khan (@FaisalJavedKhan) March 30, 2022
انہوں نے کہا کہ وزیر اعظم عمران خان نے آزاد خارجہ پالیسی دی اور خط عمران خان کی خارجہ پالیسی پر حملہ ہے اور اگر وزیر اعظم خط کے مندرجات سامنے لائیں تو اپوزیشن تباہ ہو جائے گی۔
سینیٹر فیصل جاوید نے کہا کہ ووٹنگ والے دن ان کے نمبرز پورے نہیں ہوں گے اور اپوزیشن کو چند روز میں لگ پتہ جائے گا۔
انہوں نے کہا کہ بیرونی سازش کو سب مل کر ناکام بنائیں گے اور یہ سازش تقریباً ناکام ہوچکی ہے۔
