تہران: ایران نے سابق امریکی صدر ڈونلڈ ٹرمپ پر ڈرون حملے کی اینیمیٹڈ ویڈیو جاری کر دی۔
غیر ملکی خبر رساں ایجنسی کے مطابق ایرانی سپریم لیڈر کی ویب سائٹ پر امریکہ کے سابق صدر ڈونلڈ ٹرمپ پر حملہ کرنے کی اینیمیٹڈ ویڈیو ایرانی جنرل قاسم سلیمانی کے قتل کی برسی کے موقع پر جاری کی۔
جنرل قاسم سلیمانی کو ڈونلڈ ٹرمپ کی حکومت کے دوران امریکی فوج نے بغداد میں ایک ڈرون حملے میں قتل کر دیا تھا۔
ڈونلڈ ٹرمپ کے قتل کی جاری کردہ اینیمیٹڈ ویڈیو میں جدید ترین ڈرون ٹیکنالوجی کا استعمال کرتے ہوئے دکھایا گیا ہے۔ ایک روبوٹ کے ذریعے ڈرون حملے میں ڈونلڈ ٹرمپ کی ہلاکت کی فرضی منظر کشی کی گئی ہے۔
یہ بھی پڑھیں: کابل: طالبان حکومت کا پہلا بجٹ منظور
ویڈیو میں امریکی ریاست فلوریڈا میں سابق امریکی صدر کا گھر دکھایا گیا ہے جہاں وہ گولف کھیلنے میں مصروف ہیں۔ اس موقع پر ان کے ہمراہ سابق امریکی وزیر خارجہ مائیک پومپیو بھی ہیں۔
ویڈیو میں یہ پیغام دیا گیا کہ جس کسی نے بھی ایرانی پاسدارانِ انقلاب جنرل قاسم سیلمانی کو قتل کیا اور جس نے اس کا حکم دیا، دونوں کو اس کا حساب دینا پڑے گا اور ان سے بدلہ ضرور لیا جائے گا۔
https://t.co/CrLpUB1Uvr publishes “one of selected works in Hero Campaign”
Named “Revenge Is Definite,” animation shows former U.S. Secretary of State Pompeo & President Trump being targeted by LAW and drone while playing golf at Mar-a-Lago referred to as “Trump’s House” pic.twitter.com/zHS3ktGYKZ— Sobhan Hassanvand ? سبحان حسنوند (@Hassanvand) January 13, 2022