مومنہ درید پروڈکشن کے ڈرامہ ‘ہم کہاں کے سچے تھے’ میں مشعل کی موت کا راز سب کے سامنے آ چکا ہے، کہ کیسے مہرین کے لیے بچھائے گئے جال کا مشعل خود شکار ہو گئی، لیکن اب اسود کی ندامت اور پچھتاوا کیا مہرین کی اذیت اور تکلیف کا مداوا کر پائے گا؟
ڈرامہ سیریل کی 19 ویں قسط کو یوٹیوب پر چند گھنٹوں میں 27 لاکھ سے زائد بار دیکھا جا چکا ہے۔
یہ بھی پڑھیں: مہرین کا سچ اور اسود کا بدلہ، ہم کہاں کے سچے تھے کا نیا موڑ
یاد رہے اس ڈرامے کے ذریعے ماہرہ خان پانچ سال کے طویل عرصے بعد ٹی وی سکرین پر دوبارہ جلوہ گر ہوئی تھیں، جس میں انہوں نے اپنی شاندار اداکاری سے سب کے دل جیت لیے۔ ڈرامہ سیریل میں اداکار عثمان مختار، کبریٰ خان، ہارون شاہد، شمیم ہلالی، زینب قیوم، ہما نواب، لیلیٰ واستی، عمیر رانا اور دیگراداکار اہم کردار کر رہے ہیں۔
مشہور لکھاری عمیرا احمد کے لکھے گئے ڈرامے’ہم کہاں کے سچے تھے‘ ماہرہ خان مرکزی کردار ادا کر رہی ہیں۔
یہ بھی پڑھیں: ہم کہاں کے سچے تھے کی دھوم
سوشل میڈیا پر ٹرینڈز کے ذریعے ماہرہ خان کے کام کو بہت سراہا جا رہا ہے۔ ان کے نئے ڈرامے کے کلپس و تصاویر سوشل میڈیا پر شیئر کیے جا رہے ہیں۔
عمیرہ احمد کے لکھے گئے ڈرامے کو مومنہ درید نے پروڈیوس کیا ہے جب کہ ڈائریکشن فاروق رند نے دی ہے۔
