ایوب آفریدی مستعفی، شوکت ترین کی سینیٹر بننے کی راہ ہموار


پاکستان تحریک انصاف (پی ٹی آئی) کے سینیٹر ایوب آفریدی مستعفی ہو گئے ہیں جب کہ چیئرمین سینیٹ نے ان کا استعفیٰ بھی منظور کر لیا ہے۔

ہم نیوز کے مطابق ایوب آفریدی کے مستعفی ہونے سے مشیر خزانہ شوکت ترین کی سینیٹر بنانے کی راہ ہموارہو گئی ہے جب کہ ایوب آفریدی کو وزیراعظم عمران خان مشیر اورسیز کا عہدہ دیا گیا ہے۔

اس ضمن میں ایوب آفریدی کا کہنا ہے کہ میں نے وزیراعظم کو استعفی پیش کیا تھا لیکن مشترکہ اجلاس کے باعث انتظار کا کہا گیا تھا۔

تحریک عدم اعتماد: حکومت نے مولانا فضل الرحمان سے تعاون مانگ لیا

ان کا کہنا تھا کہ میری سینٹ کی نشست وزیراعظم کی امانت تھی جسے خوشی کے ساتھ واپس کیا ہے۔

انہوں نے کہا کہ وزیراعظم کے صوابدید ہے جس کو چاہے ذمہ داری دیں، اگر وزیراعظم کوئی ذمہ داری نہیں بھی دیں گے تو کوئی اعتراض نہیں۔

ایوب آفریدی نے کہا کہ موقع دیا گیا تو قوم و ملک کی خدمت کروں گا۔


متعلقہ خبریں