پاکستان کرکٹ ٹیم کے سابق کپتان وسیم اکرم کی اہلیہ شنیرا نے ٹوئٹ میں آسٹریلوی اور انگلینڈ کی ٹیم کو پاکستان میں انہیں ہونے والے خطرے سے خبردار کر دیا۔
شنیرا اکرم کا کہنا تھا کہ انگلینڈ اور آسٹریلیا کو پاکستان میں کرکٹ کھیلنے میں جس چیز سے خوف محسوس کرنا چاہیے وہ صرف پاکستانی کرکٹ ٹیم ہے۔
انہوں نے آسٹریلوی اور انگلینڈ کرکٹ بورڈ کو ٹیگ کر کے ان کا شکریہ بھی ادا کیا اور کہا کہ ہم یعنی پاکستان اور پاکستانی کرکٹ بورڈ ہمیشہ کھلے دل سے سب کو خوش آمدید کہیں گے۔
The only thing Australia & England should be worried about when coming to play cricket in Pakistan is The Pakistan Cricket Team! Thank you @CricketAus and @ECB_cricket for this opportunity. Like we always do, Pakistan & @TheRealPCB will welcome both teams with open arms & hearts!
— Shaniera Akram (@iamShaniera) November 10, 2021
یاد رہے آسٹریلیا اور انگلینڈ بورڈ نے پاکستان کے دورے کا اعلان کیا ہے، گزشتہ روز پاکستان کرکٹ بورڈ (پی سی بی) کے چیئرمین رمیز راجہ سے انگلش کرکٹ بورڈ(ای سی بی) چیف ایگزیکٹیو اور ڈپٹی چیئرمین نے ملاقات کی جس میں دونوں ممالک کے مابین سیریز سے متعلق گفتگو ہوئی۔
جبکہ دو روز قبل آسٹریلیا کے دورہ پاکستان کا شیڈول بھی جاری کر دیا گیا ہے، 1998 کے بعد یہ آسٹریلیا کا پاکستان کا پہلا دورہ ہوگا۔
یہ بھی پڑھیں: آسٹریلیا کے کپتان نے دورہ پاکستان پر تحفظات کا اظہار کردیا
پی سی بی کے مطابق آسٹریلوی کرکٹ ٹیم آئندہ سال مارچ اپریل میں پاکستان کا دورہ کرے گی ، دورے میں تین ٹیسٹ، تین ون ڈے اور ایک ٹی ٹونٹی انٹرنیشنل میچ شامل ہیں۔
سیریز کا پہلا ٹیسٹ میچ 3 مارچ سے کراچی میں شروع ہوگا،دوسرا ٹیسٹ میچ 12 تا 16 مارچ تک راولپنڈی میں کھیلاجائے گا، تیسرا میچ21 تا 25 مارچ تک لاہور میں کھیلا جائے گا۔
