قومی کرکٹر صہیب مقصود کمر کی تکلیف کے باعث ٹی ٹوئنٹی ورلڈ کپ سے باہر ہوگئے ہیں۔
صہیب مقصود نیشنل ٹی ٹوئنٹی کے دوران کمر کی تکلیف کا شکار ہوگئے تھے،پی سی بی کے چیف میڈیکل آفیسرنے ان کی انجری کا جائزہ لیا۔
پاکستان کرکٹ بورڈ کے میڈیکل پینل نے صہیب مقصود کو آرام کا مشورہ دیا ہے جس کے باعث اب وہ ٹی 20 ورلڈ کپ کا حصہ نہیں ہوں گے ۔
— Sohaib Maqsood (@sohaibcricketer) October 9, 2021
ٹی 20 ورلڈ کپ سے باہر ہونے کے بعد صہیب مقصود نے سماجی رابطے کی ویب سائٹ پر لکھا کہ اللہ پر بھروسہ کریں اور جب ہمیں احساس ہو جائے کہ سب کچھ اللہ کی مرضی سے ہوتا ہے تو ہماری تمام پریشانیاں ختم ہونا شروع ہو جاتی ہیں۔
صہیب مقصود کی جگہ قومی کرکٹ ٹیم کا اسکوارڈ کا حصہ کون ہو گا، اس حوالے سے مشاورت جاری ہے۔
