عالمی شہرت یافتہ امریکی باکسر محمد علی کے خاکوں اور پینٹنگز کو اگلے ہفتے نیویارک میں نیلامی کے لیے پیش کیا جائے گا۔
رائٹرز کی رپورٹ کے مطابق باکسر محمد علی اپنی فائٹس کے درمیان اسکیچنگ اور پینٹنگ کرنے کا شوق رکھتے تھے، محمد علی کے 24 فن پاروں کے مجموعے میں بہت سے کارٹون اسٹائل میں ہیں اور کچھ پر ان کے دستخط بھی ہیں۔
محمد علی کے فن پارے جو مذہب اور سماجی انصاف میں علی کی دلچسپی کی عکاسی کرتے ہیں، لیکن کچھ ایسے بھی ہیں جو رِنگ میں فائٹ سے متعلق ہیں۔
نیلامی کرنے والی کمپنی کے مطابق 5 اکتوبر کو ہونے والی نیلامی میں یہ پینٹنگ 40 سے 60 ہزار ڈالر میں فروخت ہونے کا امکان ہے۔
On Oct. 1, 1975, (Sept. 30, US Time), Muhammad Ali battled Joe Frazier to a 14 round TKO victory to win the fight known as the “Thrilla in Manila.” @SuperareShop
The Leroy Neiman: Thrilla in Manila collection is out now at https://t.co/nsGrefbgv1. pic.twitter.com/Hp8kiPHAku
— Muhammad Ali (@MuhammadAli) September 30, 2021
پاپولر کلچر ڈائریکٹر ہیلن ہال کا کہنا تھا کہ پیننٹگنز کی نیلامی سے بہت سے لوگ پرجوش ہیں کیونکہ کوئی نہیں جانتا تھا کہ وہ ایک فنکار تھے اور وہ فن کے اس خزانے سے واقف نہیں تھے۔
محمد علی کی مجموعے میں ‘امریکا: دی بگ جیل’ اور ‘وار ان امریکا’ شامل ہیں جن کا قبل از فروخت تخمینہ 25 ہزار سے 35 ہزار ڈالر لگایا گیا ہے۔
عالمی ہیوی ویٹ چیمپئن، جنہوں نے اپنے کیریئر کے عروج پر 1964 میں اسلام قبول کرنے کا اعلان کیا تھا، 2016 میں 74 برس کی عمر میں پارکنسز ڈیزیز سے طویل جنگ کے بعد انتقال کرگئے تھے۔