بلڈرزنے چاند کی شکل میں 735 فٹ اونچی ریزورٹ کا منصوبہ بنایا ہے۔ جس میں چار ہزار ہوٹل کے کمرے اور اس کی اپنی ‘قمری کالونی’ ہے
کینیڈین انٹر پرائزرز کے مطابق اس کی تعمیر پر پانچ بلین ڈالرز کی لاگت آئے گی۔ 735 فٹ اونچائی کے ساتھ یہ شہر کی دوسری بلند ترین عمارت کے برابر آجائے گی۔
لاس ویگاس میں جے ڈبلیو میریٹ دوسری بلند ترین عمارت ہے۔ جبکہ ایک ہزار ایک سو انچاس فٹ لمبا اسٹارٹ آبزرویشن ٹاور شہر کی بلند ترین عمارت کا درجہ رکھتا ہے۔
آسمان کو چھوٹا ہوا یہ ریزورٹ جس کا نام مون ورلڈ ریزورٹس رکھا گیا ہے دنیا یا سب سے بڑا دائرے کی شکل کی عمارت ہوگا۔ ریزروٹ میں 4ہزارہوٹل کے کمرے ، ایک ‘کریٹر کیفے’ ، ایک سپا ، ایک لگون شامل ہوگا۔
دنیا کے دوسرے بڑے ریزروٹس کے طرح اس میں 5 ہزار لوگوں کی گنجائش والا ایک ایونٹ سنٹر قائم کیا جائے گا، عمارت میں ایک تھیٹر، پیانو بار، بوتیک۔ کئی لاونج اور کنونشن سنٹر بھی بنایا جائے گا۔
عمارت میں شیشے کی ایک گزر گاہ بھی بنائی جائے گی جس کے نیچے سمندری طوفان کو دیکھا جا سکے گا۔
عمارت کے اوپری حصے میں ایک کالونی بھی تعمیر کی جائے گی جسے قمری کالونی کا نام دیا گیا ہے ۔ مہمانوں کو کالونی تک لے جانے کے لیے خلائی اسٹیشن اور خلائی شٹل ڈیزائن کیے گئے ہیں
مہمانوں کو اوپر لے جانے کے لیے شٹلز رولر کوسٹر کی سواری کی طرح بیرونی حصے میں سفر کریں گے۔ مہمان نوے منٹ میں دس ایکٹر کا سفر کریں گے۔
بلڈرز کا کہنا ہے کہ عمارت کی زمین چاند کی سطح جیسی گڑھوں کی مانند بنائی جائے گی۔ جب مہمان یہاں آئیں گے تو انہیں لگے گا وہ سچ میں چاند پر ہیں۔
