معاون خصوصی شہباز گل نے سوشل میڈیا کی ویب سائٹ ٹوئٹر پر ایک پیغام میں کہا ہے کہ کچھ لوگوں کو ا سکول ڈریس کوڈ سے تکلیف پہنچ رہی ہے۔
ان کا اپنے ٹویٹ میں کہنا تھا کہ یہ لوگ مادر پدر آزادی چاہتے ہیں۔ یہ مغرب کے اسکولوں کے لیے ڈریس کوڈ پڑھ لیں۔
یہ بھی پڑھیں: جینز،ٹی شرٹ اور سلیپر نہیں چلے گا،اساتذہ کیلیے ڈریس کوڈ جاری
شہباز گل نے ٹوئٹر پر بیرون ممالک میں اسکولوں اور تعلیمی اداروں میں اساتذہ کے ڈریس کوڈ کی تفصیلات بھی شیئر کردیں۔
انہوں نے ایریزونا کے ایک ایلیمنٹری اسکول کا ڈریس کوڈ شیئر کیا ہے جس میں لکھا ہے کہ اسکول میں ربڑ کے سلیپر ،باریک ، تنگ یا بہت ڈھیلے ڈھالے کپڑے پہننے کی اجازت نہیں ہو گی، نا ہی اسکول میں ننگے کندھوں والی شرٹس، شارٹ اسکرٹس اور ورزش کی پتلون پہنی جائے گی۔
کچھ لوگوں کو سکول ڈریس کوڈ سے سخت تکلیف پہنچ رہی ہے۔یہ لوگ مادر پدر آذادی چاہتے ہیں۔بچوں کو بھی نہیں بخشنا۔یہ مغرب کے سکولوں کے لئیے ڈریس کوڈ پڑھ لیں۔ل۔مثال کے طور پر Litchfield Elementary School District in Arizona کا ڈریس کوڈ پڑھ لیں امید ہے افاقہ ہو گاhttps://t.co/MKCGKAlbtS
— Dr. Shahbaz GiLL (@SHABAZGIL) September 8, 2021
یاد رہے کہ گزشتہ روز محکمہ تعلیم نے وفاقی سرکاری تعلیمی اداروں میں اساتذہ کے لیے ڈریس کوڈ جاری کیا تھا۔
نوٹی فکیشن کے مطابق خواتین اساتذہ کے جینز اور ٹائٹس پہننے پر پابندی عائد کر دی گئی۔ مرد اساتذہ کے جینز اور ٹی شرٹ پہننے پر پابندی ہو گی۔
پردہ کرنے والی خواتین اساتذہ کو صاف ستھرا سکارف اور حجاب پہننے کی اجازت ہو گی۔ خواتین اساتذہ سینڈل اور سنیکر پہن سکیں گی۔ سلیپر پہننے کی اجازت نہیں ہو گی۔
یہ بھی پڑھیں: ازبکستان: اسکولوں میں حجاب نہ پہننے کی پابندی ختم
مرد اساتذہ کو سردیوں میں گرم چادر پہنے کی اجازت نہیں ہو گی۔ اساتذہ کو سردیوں میں خوبصورت رنگ اورڈیزائن کے سویٹر،کوٹ اور جرسی پہننا ہوں گے۔
مرد اساتذہ شلوار قمیض کے ساتھ ویسکوٹ پہنیں گے۔ اساتذہ کلاس میں ٹیچنگ گاؤن اور لیبارٹری میں لیب کوٹ پہننے کے بھی پابندی ہوں گے۔
