اسلام آباد: وزیراعظم عمران خان نے کہا ہے کہ ایئرعربیہ پاکستانی سرمایہ کاروں کے ساتھ مل کر فلائی جناح کے نام سے نئی ایئر لائن بنا رہے ہیں۔
امریکی ایئر لائن کا آواز کی رفتار سے تیز مسافر طیارے خریدنے کا اعلان
ہم نیوز کے مطابق وزیراعظم عمران خان نے یہ بات سماجی رابطوں کی ویب سائٹ ’ٹوئٹر‘ پر جاری کردہ اپنے بیان میں کہی ہے۔
I welcome @airarabiagroup to Pakistan & wish them success in their partnership with local investors to establish a new Pakistani airline, FLY JINNAH. My govt is committed to attracting investment in Pakistan’s burgeoning travel & tourism sector which offers immense opportunities.
— Imran Khan (@ImranKhanPTI) September 3, 2021
وزیراعظم عمران خان سے ایئرعربیہ گروپ کے چیئرمین شیخ عبد اللہ بن محمد الثانی نے ملاقات کی ہے۔ جمعے کو اسلام آباد میں ہونے والی ملاقات میں وفاقی وزیر اطلاعات و نشریات فواد چوہدری اور وفاقی وزیر برائے ہوا بازی غلام سرور خان بھی موجود تھے۔
ایئر عربیہ ابوظہبی کا پاکستان کیلئے براہ راست پروازیں شروع کرنے کا اعلان
ملاقات کے دوران پاکستان کی کمرشل ہوا بازی کی صنعت میں سرمایہ کاری کے امور پر گفتگو ہوئی۔
وزیراعظم عمران خان نے ملاقات کے دوران ایئر عربیہ گروپ کو خوش آمدید کہتے ہوئے کہا کہ حکومت پاکستان سرمایہ کاروں کے لیے آسانیاں پیدا کر رہی ہے۔ انہوں نے کہا کہ چاہتے ہیں کہ پاکستان سرمایہ کاروں کی ترجیحی منزل ہو۔
ہم نیوز کے مطابق وزیراعظم نے کہا کہ سیاحت کے فروغ کے لیے بیرون ملک سے کمرشل ایئر لائنز میں سرمایہ کاری کو خوش آمدید کہتے ہیں۔ ان کا کہنا تھا کہ سیاحت اور ٹریول سیکٹرز میں بے پناہ سرمایہ کاری کے مواقع موجود ہیں۔
حکومت غریب کے مسائل حل کرنے پر توجہ دے رہی ہے، شہباز گل
وزیراعظم عمران خان کے معاون خصوصی شہباز گل نے بھی سماجی رابطوں کی ویب سائٹ ’ ٹوئٹر‘ پرجاری کردہ اپنے بیان میں کہا ہے کہ پاکستان کے لیے ایک اور اچھی خبر ہے۔
پاکستان کے لئے ایک اور اچھی خبر
“FLY JINNAH”
لیکسن گروپ پاکستان اور ایئر عربیہ کے مابین کم لاگت ایئر لائن شروع کرنے کا معاہدہ
نئی ایئر لائن پاکستانی معیشت میں اہم کردار ادا کرے گی ، نئی نوکریاں پیدا کرے گی اور ملک کے سفر اور سیاحت کے شعبوں کی مدد کرے گیhttps://t.co/rFZHe1hfJO— Dr. Shahbaz GiLL (@SHABAZGIL) September 3, 2021
شہباز گل نے اپنے بیان میں کہا کہ لیکسن گروپ پاکستان اور ایئرعربیہ کے مابین کم لاگت کی ایئر لائن شروع کرنے کا معاہدہ ہوا ہے۔ انہوں نے کہا کہ نئی ایئر لائن پاکستانی معیشت میں اہم کردار ادا کرے گی۔
وزیراعظم: پاکستان کو ریڈ لسٹ میں رکھنے پر اظہار تشویش، برطانوی وزیر خارجہ سے ملاقات
وزیراعظم عمران خان کے معاون خصوصی شہباز گل نے اپنے ٹوئٹر بیان میں کہا ہے کہ نئی ایئرلائن کے شروع ہونے سے نئی نوکریاں پیدا ہوں گی۔ انہوں نے کہا کہ اس سے ملک میں سفر و سیاحت کے شعبوں کی مدد کرے گی۔