وزیر خارجہ شاہ محمود قریشی نے پاکستان عراق کے ساتھ تعلقات کو خصوصی اہمیت دیتا ہے، پاکستان اور عراق میں گہرے تعلقات استوار ہیں۔
اسلام آباد میں عراقی وزیرخارجہ فواد حسین کے ہمراہ میڈیا سے گفتگو کرتے ہوئے انہوں نے کہا کہ میرا دورہ عراق بہت خوشگوار رہا۔
وزیرخارجہ شا ہ محمود قریشی نے کہا کہ عراقی وزیر خارجہ سے ملاقات میں سیاسی مشاورت کے عمل کو آگے بڑھانے کیلئے مشترکہ لائحہ عمل پر اتفاق کیا۔
انہوں نے کہا کہ عراقی وزیر خارجہ سے محرم الحرام میں پاکستانیوں کے لیے ویزے پر بات چیت ہوئی۔ امیدہے کہ پاکستانی زائرین کو عراق میں بہترسہولیات فراہم ہوں گے۔
شاہ محمود قریشی نے کہا کہ عراقی وزیرخارجہ فواد حسین کو افغانستان میں جاری صورتحال سے آگاہ کیا۔ انہیں افغانستان میں قیام امن کیلئے پاکستان کی مصالحانہ کوششوں پر بھی آگا ہ کیا۔
وزیرخارجہ شاہ محمود قریشی نے کہا کہ پاکستان نے افغانستان میں امن عمل کے لیے اہم کردار ادا کیا۔
مزید پڑھیں: عاشورہ: پی آئی اے کا عراق کیلئے خصوصی پروازیں چلانےکااعلان
عراقی وزیرخارجہ فوادحسین نے میڈیا سے گفتگو کرتے ہوئے کہا کہ شاہ محمود قریشی کے ساتھ خوشگوار ملاقات ہوئی۔ عراق پاکستان کے ساتھ تجارتی تعلقات کو فروغ دینے کا خواہاں ہے۔
انہوں نے کہا کہ پاکستان اور بھارت کو مسئلہ کشمیر حل کرنا چاہیے۔ مسئلہ کشمیر حل طلب معاملہ ہے۔ خطے میں امن کے لیے پاکستان کا کردار نظر انداز نہیں کیا جاسکتا۔
انہوں نے کہا کہ ہم نے تجارتی، توانائی، مذہبی سیاحت اور دیگر امور پر بھی گفتگو کی۔ خطے میں کشیدگی کے خاتمے کے لیے تمام ممالک کو کردار ادا کرنا ہوگا۔
فواد حسین نے کہا کہ افغانستان میں صورتحال پر تشویش ہے۔ افغانستان میں جاری صورتحال پریشان کن ہیں۔ افغانستا ن میں امن سے خطے میں امن ہوگا۔ خطے کے جن ممالک میں کشیدگی ہے، مذاکرات سے حل ہونی چاہیے۔