برج خلیفہ کی چوٹی پر بنے اشتہار کو دیکھ کر سوشل میڈیا صارفین حیران رہ گئے۔
فضائی کمپنی ایمریٹس کی جانب سے ایک خاتون کی 30 سیکنڈز دورانیے کی مختصر ویڈیو شئیر کی گئی، جس میں وہ دنیا کی بلند ترین عمارت برج خلیفہ کی چوٹی پر کھڑی اپنی کمپنی کی تشہیر کر رہی ہے۔
Reconnect with your loved ones or take a fabulous vacation.
From 8th August travel to the UK gets easier.#FlyEmiratesFlyBetter pic.twitter.com/pEB2qH6Vyo— Emirates Airline (@emirates) August 5, 2021
ویڈیو میں نکولے اسمتھ لدویک نامی خاتون نے ایمریٹس ایئرلائن کی ایئرہوسٹس جیسا لباس بھی زیب تن کر رکھا ہے۔ تاہم ویڈیو ریلیز ہونے کے بعد لوگوں نے جہاں اس کی تعریف کی وہیں اسے فیک بھی سمجھا۔
دنیا بھر کے لوگوں کی جانب سے ویڈیو کو جعلی قرار دیے جانے پر فضائی کمپنی نے شوٹنگ کی پس پردہ بھی ویڈیو جاری کر دی، جس میں برج خلیفہ کی چوٹی پر بنائے گئے اشتہار کی مکمل تیاری دکھائی گئی ہے کہ کیسے خاتون کو تمام حفاظتی اتظامات کے ساتھ عمارت کی چوٹی پر چڑھایا گیا۔
Real or fake? A lot of you have asked this question and we’re here to answer it.
Here’s how we made it to the top of the world’s tallest building, the @BurjKhalifa. https://t.co/AGLzMkjDON@EmaarDubai #FlyEmiratesFlyBetter pic.twitter.com/h5TefNQGQe— Emirates Airline (@emirates) August 9, 2021
اشتہار اور اس کی تیاری کی ویڈیو دیکھنے کے بعد دنیا بھر کے لوگوں نے خاتون کی بہادری کی تعریفیں کیں ہیں۔
رپورٹ کے مطابق 2 ہزار 716 فٹ کی بلندی پر جاکر اشتہار شوٹ کروانے والی خاتون پروفیشنل اسکائے ڈائیور، یوگا انسٹرکٹر اور بلندیوں پر چڑھنے کی ماہر ہیں۔