وزارت سائنس وٹیکنالوجی نے پیش گوئی کی ہے کہ پاکستان میں پہلا روزہ 14 اپریل کو ہوگا۔
وزارت کی جانب سے کی گئی پیش گوئی کے مطابق رمضان المبارک کا چاند 13 اپریل کونظر آجائے گا اور پہلا روزہ 14 اپریل کو ہوگا۔
یہ بھی پڑھیں: مہنگائی میں کمی آئیگی،رمضان میں ہر چیز کی نگرانی خود کرونگا:وزیراعظم
پیش گوئی کی گئی ہے کہ رمضان کا چاند اسلام آباد،لاہور، پشاور اور کراچی میں واضح نظر آئے گا۔ دوسری جانب علماء نے روزے کے دوران کورونا ویکسین لگوانا جائزہ قرار دیا ہے۔
ذرائع کے مطابق دارالافتا پاکستان و سعودی عرب اور جامعہ الا زہر نے کورونا ویکسین روزہ میں لگوانے پر اتفاق کیا ہے۔ اس ضمن میں جاری فتوی کے مطابق کورونا ویکسین لگوانے سے روزہ نہیں ٹوٹتا۔
وزیراعظم کے نمائندہ خصوصی برائے مذہبی ہم آہنگی، مشرق وسطیٰ اور پاکستان علماء کونسل کے چیئرمین حافظ طاہر محمود اشرفی نے کہا ہے کہ ہر انسان کو کورونا ویکسین لگوانی چاہئے۔
یہ بھی پڑھیں: رمضان المبارک میں مساجد بند نہیں ہوں گی، مولانا طاہر اشرفی
ان کا کہنا تھا کہ کورونا کی تیسری لہر انتہائی خطرناک ہے اور شریعت بھی احتیاط کا حکم دیتی ہے۔ عوام اللہ تعالیٰ کی طرف رجوع کریں اور احتیاطی تدابیر اختیار کریں۔
