پاکستانی کرکٹ ٹیم کے سابق کپتان جاوید میانداد نے انکشاف کیا ہے کہ 1992 کے ورلڈ کپ کے دوران کپتان عمران خان کے خلاف بغاوت ہو گئی تھی۔
نجی چینل کو دیئے گئے انٹرویو میں ان کا کہنا تھا کہ کئی اہم کھلاڑی کپتان عمران خان کے فیصلوں سے ناخوش تھے اور اس میچ میں ان کی شرکت مشکوک لگ رہی تھی۔
جاوید میاںداد نے انٹرویو کے دوران بتایا کہ اس موقع پر میں نے تمام کھلاڑیوں سے بات کی اور انہیں سمجھایا کہ وہ عمران خان کی قیادت میں کھیلنے کا سلسلہ جاری رکھیں۔
لیجنڈری کرکٹر نے کہا کہ اب یہ بات سب لوگوں کے علم میں آچکی ہے اس لئے میں اسے میڈیا پر لایا ہوں۔
یہ بھی پڑھیں: ورلڈ کپ جیتنے کی خوشگوار یادیں فراموش نہیں کر سکتے، معین خان
سابق کپتان جاوید میانداد نے کہا کہ آج کل پاکستانی کرکٹ ٹیم میں بار بار تبدیلیوں کے باعث اچھے کھلاڑی تیار نہیں ہو پا رہے ہیں۔
