پشاور: خیبرپختونخوا میں کورونا سے گزشتہ 24 گھنٹوں کے دوران مزید 5 افراد جاں بحق ہوگئے۔
محکمہ صحت کی جانب سے جاری تازہ اعدادوشمار کے مطابق خیبرپختونخوامیں کوروناسےانتقال کرنےوالوں کی مجموعی تعداد 1158 ہوگئی۔
مزید پڑھیں: پاکستان کورونا وائرس کےمتعلق جھوٹی خبروں کا مقابلہ کیسے کر رہا ہے
محکمہ صحت کے مطابق گزشتہ24گھنٹوں کے دوران کورونا کے 230 نئے کیسزرپورٹ ہوئے۔ خیبرپختونخوامیں کوروناسےمتاثرہ افرادکی مجموعی تعداد 32ہزار753ہوگئی۔
محکمہ صحت کے مطابق کورونا سے گزشتہ 24 گھنٹوں کے دوران صوبہ میں 131مریض صحت یاب ہوئے۔ خیبرپختونخوا میں کورونا سے اب تک 25ہزار713متاثرہ مریض صحت یاب ہوچکے ہیں۔
محکمہ صحت کے مطابق پشاورمیں کوروناسےمتاثرہ مریضوں کی12ہزار201ہوگئی ہے۔ پشاورمیں مجموعی طورپرکوروناسے 554 افراد انتقال کرچکے ہیں۔
پاکستان میں کورونا وائرس سے اموات کی مجموعی تعداد 5677 ہو گئی ہے اور 2 لاکھ 67 ہزار 428 افراد متاثر ہیں۔
ملک بھر میں کورونا کے دو لاکھ دس ہزار 468 مریض صحت یاب ہوچکے ہیں۔
پاکستان میں کورونا کیسز کی تعداد تیزی سے کم ہو رہی ہے اور نیشنل کمانڈ اینڈ آپریشنل سینٹر کی جانب سے جاری اعداد و شمار کے مطابق گزشتہ 24 گھنٹوں میں کورونا کے صرف 1332 کیسز رپورٹ ہوئے اور 38 افراد کا انتقال ہوا۔
یہ بھی پڑھیں:سندھ: کورونا سے مزید 22 افراد جاں بحق، 880 متاثر
گزشتہ 24 گھنٹے کے دوران 18 ہزار 331 ٹیسٹ کیے گئے۔ ملک بھر میں کورونا کے 17 لاکھ 76 ہزار 882 ٹیسٹ کیے جا چکے ہیں۔
سندھ میں کورونا مریضوں کی تعداد ایک لاکھ 14 ہزار 104 ہوگئی۔
خیبرپختونخوا میں کورونا مریضوں کی تعداد 32,523 ہو گئی ہے۔ بلوچستان 11,469، اسلام آباد 14,701، آزاد جموں و کشمیر 1,937، گلگت بلتستان 1,878 اور پنجاب میں 90,816 کورونا مریض ہیں۔
پنجاب میں کورونا وائرس سے جاں بحق افراد کی تعداد 2 ہزار 41، سندھ میں دو ہزار 95، خیبر پختونخوا میں ایک ہزار 153، اسلام آباد میں 161، بلوچستان میں 135، آزاد کشمیر میں 47 اور گلگت بلتستان میں 45 ہو چکی ہے۔
ملک میں کورونا ٹیسٹنگ صلاحیت یومیہ 60 ہزار سے زائد ہوگئی ہے۔ اور 132 ٹیسٹنگ لیبارٹریز کام کر رہی ہیں۔ 30 شہروں میں ٹریس، ٹیسٹ اورقرنطینہ حکمت عملی موثر طریقے سے کام رہی ہے۔
