اسلام آباد: وزیراعظم عمران خان نے انڈس موٹر کمپنی اور ہاوَس آف حبیب کےمالک علی حبیب کی وفات پر افسوس کا اظہار کیا ہے۔
اپنے ایک ٹوئٹ میں انہوں نے کہا کہ دیرینہ دوست علی حبیب کی وفات پرافسوس ہوا۔ مرحوم قابل احترام شخصیت اورشوکت خانم میموریل ٹرسٹ کے بورڈ ممبر تھے۔
آج اپنے دیرینہ دوست علی حبیب کی رحلت پر رنجیدہ اور مغموم ہوں۔ وہ ملک کی ایک قابلِ احترام کاروباری شخصیت تھے جو شوکت خانم میموریل ٹرسٹ کے بورڈ کے رکن اور وزارتِ تجارت میں اعزازی طور پر ہماری حکومت کا ہاتھ بٹا رہے تھے۔
— Imran Khan (@ImranKhanPTI) April 17, 2020
وزیراعظم نے کہا کہ علی حبیب اعزازی طور پر وزارت کامرس کیلئے خدمات بھی سرانجام دے رہے تھے۔
انڈس موٹر کمپنی کے مالک علی حبیب کچھ عرصے سے بیمار تھے اور ان کا آج کراچی میں انتقال ہوا۔
