اسلام آباد: پاکستان کی معروف اداکارہ میرا نے ادکاراؤں کو وزیراعظم کے مساوی پروٹوکول اور عزت دیے جانے کا مطالبہ کیا ہے۔
میرا کا کہنا ہے کہ اداکاراؤں کو وزیراعظم اور وزرا کی طرح عزت اور پروٹوکول ملنا چاہیے کیونکہ وہ بین الاقوامی سطح پر ملکی ثقافت کی نمائندگی کرتی ہیں۔
اسکینڈل کوئین کے نام سے مشہور سماجی رابطوں کی ویب سائٹ ٹوئٹر پر ایک نامعلوم شخص کے ساتھ ہونے والی بات چیت کے اسکرین شاٹس شیئر کیے جس میں میرا نے مذکورہ شخص کو بھی اداکاراؤں کی عزت کرنے کا پیغام دیا ہے۔
Special message #meerajee pic.twitter.com/wjyITgVaDQ
— @meera official (@iamrealmeera) January 12, 2020
اسکرین شاٹس سے اندازہ ہوتا ہے کہ کسی شخص نے میرا سے ناجائز مطالبات کیے تو جواباً اداکارہ نے اسے منہ توڑ جواب دیتے ہوئے کہا کہ جو لوگ فلم اسٹارز کے پراجیکٹس میں سرمایہ کاری کرنا چاہتے ہیں انہیں اندازہ ہونا چاہیے کہ فنکار معاشرے کا نایاب گروہ ہیں جن کے ساتھ عزت و تکریم کا برتاؤ رکھنا چاہیے۔
انہوں نے مزید لکھا کہ اداکارائیں نہ صرف محنت سے کام کرتی ہیں بلکہ ملکی وقار کے لیے اپنی ساری زندگی وقف کر دیتی ہیں لہٰذا انہیں وزیراعظم اور وزرا سے زیادہ عزت اور پروٹوکول دینا چاہیے تاکہ وہ اپنے کام پر فخر محسوس کر سکیں۔
میرا نے غصے کا اظہار کرتے ہوئے تحریر کیا کہ پراجیکٹس میں سرمایہ کاری کیلئے پیشہ ورانہ انداز اپنائیں اور مکمل قانونی کاغذات، پیشگی معاوضہ اور معاہدے کے ساتھ آئیں، یہ سوچنا کہ تفریح کے لیے کوئی آپ کو ڈرنکس (شراب)، منشیات یا لڑکیاں پیش کرے گا احمقں کی جنت میں رہنے کے مترادف ہے کیونکہ کوئی یہاں آپ کو تفریح فراہم کرنے نہیں بیٹھا۔
Heroin mean heroin in real life so they’re not prostitutes they don’t work in clubs in Pakistan film industry mean Film Industry not a sex club industry
— @meera official (@iamrealmeera) January 12, 2020
اداکارہ میرا نے اپنے اس پیغام کو خصوصی پیغام قرار دیا اور ایک اور ٹوئٹ میں لکھا کہ ہیروئن کا مطلب حقیقی زندگی میں بھی ہیروئن ہوتا ہے غلط کام کرنے والی خواتین نہیں، وہ کلبس میں کام نہیں کرتیں۔
Film industry ki kali bhairain aur makrooh chehray bohat jald bainaqab ho Jain Hai.
— @meera official (@iamrealmeera) January 12, 2020
انہوں نے لکھا کہ پاکستان فلم انڈسٹری کا مطلب پاکستان فلم انڈسٹری ہے نہ کہ کلب انڈسٹری۔ فلم انڈسٹری کی کالی بھیڑیں اور مکروہ چہرے بہت جلد بے نقاب ہو جائیں گے۔
