اسلام آباد: پاکستان میں برطانوی سفیر تھامس ڈریو کی گاجر کا حلوہ بنانے کی ویڈیو سوشل میڈیا پر وائرل ہو گئی ہے۔
ویڈیو میں تھامس ڈریو کو اپنی مدد آپ کے تحت پاکستانیوں کی ہر دلعزیز ڈِش گاجر کا حلوہ بناتے دیکھا جا سکتا ہے۔ برطانوی سفیر نے گاجر کا حلوہ بنانے کے بعد باداموں سے اس کی سجاوٹ بھی کی۔
برطانوی سفیر نے پہلے کمال مہارت سے گاجریں کدو کش کیں، اس کے بعد انہوں نے گاجروں کو مکھن میں ڈال کر بھونا اور الائچیاں شامل کر دیں۔ گاجروں کو کچھ دیر بھوننے کے بعد انہوں نے اس میں چینی اور دودھ ملایا اور کچھ دیر تک پکایا۔
My second lesson in Pakistani cooking – carrot halwa. گاجر کا حلوہ
Easily the most delicious (and most indulgent) dish you can make with carrots. pic.twitter.com/XlBdSuHXOx
— Thomas Drew (@TomDrewUK) September 21, 2019
تمام اشیاء ڈال کر تھامس ڈریو نے مواد پکنے کے لیے چولہے پر رکھ دیا اور کچھ دیر پکانے کے بعد ڈش میں نکال کر باداموں کی سجاوٹ کر کے سرو کر دیا۔
ایشیائی کھانے بنانے کا تھامس ڈریو کا یہ پہلا تجربہ نہیں ہے۔ اس سے قبل وہ روٹیاں بھی پکا چکے ہیں۔
While still hot outside, I stayed in to have my first lesson in Pakistani cooking. Started with the basics: daal and, below, roti. pic.twitter.com/WRrYU5gMeA
— Thomas Drew (@TomDrewUK) September 8, 2019
گول چپاتیاں بنانے کا برطانوی سفیر کا تجربہ بہت کامیاب رہا اور انہیں ایشیائی کھانے سیکھنے پر بہت پذیرائی اور داد بھی ملی۔