لاہور: محکمہ انسداد کرپشن لاہور ریجن نے قائد اعظم محمد علی جناح، مادر ملت فاطمہ جناح اور نوابزادہ لیاقت علی خان کی وقف شدہ جائیداد پر قبضہ کا نوٹس لے لیا ہے۔
اس ضمن میں محکمہ انسداد کرپشن نے باقاعدہ تحقیقات کا آغاز بھی کر دیا گیا ہے۔
لاہور کے علاقے گلبرگ میں واقع بانی پاکستان قائد اعظم محمد علی جناح، فاطمہ جناح اور نوابزادہ لیاقت علی خان کے نام سے وقف اربوں روپے مالیت کی جائیداد پر قبضہ کیے جانے کا انکشاف ہوا تھا۔
سورس رپورٹ کی بیناد پر محکمہ اینٹی کرپشن لاہور ریجن نے پٹوار سرکل اچھرہ میں واقع ریونیو اسٹاف سے ریکارڈ اور موقع کی رپورٹ بھی طلب کرلی ہے۔
معاملے کی مکمل تحقیقات کے لیے لاہور ڈویلپمنٹ اتھارٹی کے افسران کو بھی نوٹسز جاری کر دیے گے ہیں اور متعلقہ افسران کو بھی ریکارڈ سمیت پیش ہونے کی ہدایت بھی کر دی گئی ہے۔
امید کی جا رہی ہے کہ ریکارڈ ملنے کے بعد اربوں روپے مالیت کی یہ قیمتی اراضی قبضہ مافیا سے جلد واگزار کرا لی جائے گی۔
