تہران: ایران کے نائب وزیر خارجہ عباس عراقجی نے دعویٰ کیا ہے کہ آبنائے ہرمز میں ہمارا بنا پائلٹ کوئی ڈرون تباہ نہیں ہوا ہے۔ انہوں خدشہ ظاہر کیا کہ کہیں امریکی بحریہ نے غلطی سے اپنے ہی کسی ڈرون کو تباہ نہ کردیا ہو۔
امریکہ کے صدر ڈونلڈ ٹرمپ نے گزشتہ روز وائٹ ہاؤس میں ذرائع ابلاغ سے بات چیت کرتے ہوئے کہا تھا کہ امریکی بحریہ کے جنگی بحری جہاز کو دھمکی دے کر دھونس جمانے والے ایرانی ڈرون کو امریکی بحریہ نے مار گرایا ہے۔
We have not lost any drone in the Strait of Hormuz nor anywhere else. I am worried that USS Boxer has shot down their own UAS by mistake!
— Seyed Abbas Araghchi (@araghchi) July 19, 2019
عباس عراقجی نے سماجی رابطے کی ویب سائٹ ٹوئٹر پر جاری کردہ اپنے پیغام میں کہا کہ مجھے فکر ہے کہ یو ایس ایس باکسر نے اپنا ہی جاسوس طیارہ غلطی سے نہ مار گرایا ہو۔
بحریہ نےدھونس جمانے والا ایرانی ڈرون مار گرایا ہے، ٹرمپ کا دعویٰ
صدر ٹرمپ کا دعویٰ تھا کہ ایرانی ڈرون بحریہ کے جنگی جہاز کے بہت قریب آگیا تھا اور فاصلہ صرف ایک ہزار گز کا رہ گیا تھا تو دفاع میں یہ کارروائی کی گئی۔
امریکی صدر کے اعلان کے بعد ایران نے کہا تھا کہ اس کے پاس اپنے ڈرون کے حوالے سے کوئی اطلاع نہیں ہے جب کہ ایرانی وزیر خارجہ جواد ظریف نے بھی اپنی لاعلمی ظاہر کی تھی جب کہ وہ نیویارک میں موجود تھے۔