ہلمند: افغانستان کے صوبے ہلمند میں دھماکے سے 7 افراد جاں بحق ہوگئے اور متعدد زخمی ہیں۔
ابتدائی معلومات کے مطابق دھماکہ ہلمند کے لشکرگاہ اسٹیڈیم میں ہوا جہاں کسانوں کے دن کے حوالے تقریبات جاری تھیں۔
افغان نیوز ایجنسی کے مطابق زخمیوں میں کثیر تعداد سیکیورٹی اہلکاروں کی ہے۔ افغان وزارت داخلہ کے ترجمان نصرت رحیمی نے کہا ہے کہ کم سے کم 3 افراد جاں بحق ہوئے ہیں اور 31 زخمی ہیں۔
#Update – Nusrat Rahimi, a spokesman for Ministry of Interior, confirms that at least three people were killed and 31 others were wounded in #Helmand blast. pic.twitter.com/Uc4YLSXqiQ
— TOLOnews (@TOLOnews) March 23, 2019
وزارت داخلہ کے ترجمان نے بتایا ہے کہ دھماکہ اسٹیڈیم میں بچھائی گئی بارودی سرنگوں کے سبب ہوا۔
مقامی حکام کے مطابق دھماکے میں افغانستان ڈائریکٹوریٹ آف اکانومی کے سربراہ نصرت خان جاں بحق ہوگئے ہیں۔
Mohammad Nusrat Khan, head of Directorate of Economy of #Helmand, was killed in #Lashkargah explosion, a local official said. pic.twitter.com/JSrcB3vTm6
— TOLOnews (@TOLOnews) March 23, 2019
افغانستان کے صدر اشرف غنی نے ہلمند میں ہوئے دھماکے کی مذمت کی ہے۔ اشرف غنی نے کہا ہے کہ دہشتگرد لوگوں کی خوشیوں کے دشمن ہیں اور اپنی شکست کو چھپانے کیلئے عوامی مقامات کو نشانہ بنا رہے ہیں۔
دھماکے کی ذمہ داری فی الحال کسی عسکری تنظیم نے قبول نہیں کی۔
