اسلام آباد: حکمراں جماعت پاکستان تحریک انصاف نے اقتدار سنبھالنے کے بعد پہلی بار سیاسی جلسہ کرنے کا فیصلہ کیا ہے۔ وزیراعظم کے مشیر برائے سیاسی امور نعیم الحق نے بتایا ہے کہ 27 جنوری کو میانوالی میں جسلہ عام کیا جائے گا۔
نعیم الحق نے ٹویٹ کیا کہ میانوالی میں تحریک انصاف کے جلسے سے وزیراعظم عمران خان بھی خطاب کریں گے۔
Inshallah PTI plans to hold a jalsa in Mianwali on 27 th January to be addressed by the Prime Minister Imran Khan. This will be the first public address by the Prime Minister after the formation of the PTI government .
— Naeem ul Haque (@naeemul_haque) December 23, 2018
یاد رہے کہ میانوالی وزیراعظم کا حلقہ ہے جہاں سے وہ رکن قومی اسمبلی منتخب ہوئے تھے۔
25 جولائی 2018 کو منعقد ہونے والے عام انتخابات میں عمران خان اسلام آباد کے حلقہ این اے 53، لاہور کے حلقہ این اے 131، بنوں کے حلقہ این اے 35، این اے 95 میانوالی اور کراچی کی نشست این اے 243 سے کامیاب ہوئے تھے تاہم انہوں نے میانوالی کی نشست اپنے پاس رکھ دیگر سیٹیں چھوڑ دی تھیں۔