لاہور: سابق وزیراعلیٰ پنجاب شہباز کی اہلیہ نے تہمینہ درانی نے ملاقات کے بعد شوہر کی صحت پر تشویش کا اظہار کیا ہے۔
اپوزیشن لیڈر شہباز شریف سے ان کی اہلیہ تہمینہ درانی نے نیب آفس لاہور میں ملاقات کی ہے۔ ذرائع کا کہنا ہے کہ تہمینہ درانی نے شہباز شریف کی خیریت دریافت کی اور دونوں کے درمیان جاری مقدمات پر بھی بات چیت ہوئی ہے۔
تہمینہ درانی نے ٹویٹر پر کہا کہ شہباز شریف لندن میں کینسر کے باقاعدگی سے ٹیسٹ کرا رہے تھے۔ اسلام آباد میں ان کے خون کے نموں میں کچھ غیر معمولی علامات ظاہر ہوئی ہیں۔
My visit 2 @CMShehbaz today disturbed me. As he is a cancer survivor, pet scans & blood tests were regularly conducted by his Dr in Lon. The tests taken in islmbd showed some abnormal signs. A board of Drs was to be constituted to check them. That has still not happened. WHY?
— Tehmina Durrani (@TehminaDurrani) 1 December 2018
انہوں نے سوال اٹھایا کہ شہباز شریف کے چیک اپ کے لیے میڈیکل بورڈ کیوں نہیں بنایا گیا، میں ان سے ملاقات کے بعد بہت پریشان ہوں۔
یاد رہے کہ اپوزیشن لیڈر شہباز شریف نیب کی حراست میں ہیں۔ شہباز شریف پر الزام ہے کہ انہوں نے آشیانہ ہاؤسنگ اسکینڈل خرد برد کی اور من پسند افراد کو ٹھیکے دیے۔