راولپنڈی: پاک روس مشترکہ تربیتی مشقوں میں شرکت کے لیے روسی فوجی دستہ پاکستان پہنچ گیا ہے۔
پاک فوج کے شعبہ تعلقات عامہ (آئی ایس پی آر) کے مطابق پاکستان اور روس کے درمیان ہونے والی تیسری دو روزہ فوجی مشقیں چار نومبر تک جاری رہیں گی۔
ڈائریکٹر جنرل (ڈی جی) آئی ایس پی آر میجر جنرل آصف غفور کے مطابق پاک روس مشترکہ تربیتی مشقوں کا نام ’’درزبہ تھری‘‘ رکھا گیا ہے۔ پاکستان اور روس کے درمیان پہلی مشترکہ فوجی تربیتی مشقیں پاکستان میں 2016 جب کہ دوسری فوجی تربیتی مشقیں روس میں 2017 کے دوران ہوئی تھیں۔
روسی فوج کا دستہ تربیتی مشقوں میں شرکت کے لیے گزشتہ شب پاکستان پہنچا ہے۔
Russian Army Contingent arrived in Pakistan to participate in Pak-Russia Joint Training Excercise ‘Druzhba-III’. This is 3rd exercise as part of Pak-Russia bilateral training cooperation. The 1st Exercise was held in Pakistan during 2016 while 2nd in Russia during 2017. pic.twitter.com/Qbu8zx7tQl
— Maj Gen Asif Ghafoor (@OfficialDGISPR) October 22, 2018
سالانہ بنیادوں پر ہونے والی مشترکہ فوجی مشقوں کا مقصد دو طرفہ تربیتی تعاون بڑھانا بتایا جاتا ہے۔
