اسلام آباد: نو منتخب وزیراعظم اور پاکستان تحریک انصاف کے چیئرمین عمران خان نے دونوں صاحبزادوں سلیمان اور قاسم کو تقریب حلف برداری میں شرکت سے روک دیا ہے۔
عمران خان کے وزیراعظم منتخب ہونے کے بعد پاکستان کی نامور صحافی مہر تارڑ نے پی ٹی آئی چیئرمین کی سابق اہلیہ جمائما اور ان کے دونوں صاحبزادوں کو مبارک باد دیتے ہوئے لکھا کہ جمائما عمران خان کے سیاسی سفر میں ابتداء سے ساتھ تھیں جس کے لیے ان کا شکریہ۔
And a huge congratulations to Jemima, Sulieman and Qasim.
Jemima was with Imran when he started his political journey, so a big thank-you to her.
May the sons be proud of their father’s work as the prime minister of a country that needs lots of dedication and work. @Jemima_Khan— Mehr Tarar (@MehrTarar) August 17, 2018
مہر تارڑ نے عمران خان کے بیٹوں کو مخاطب کرتے ہوئے یہ بھی لکھا کہ انہیں اپنے والد پر فخر ہوگا جب وہ انہیں بطور وزیراعظم خدمات انجام دیتے ہوئے دیکھیں گے، جس کے لیے بہت لگن کی ضرورت ہے۔
ان ٹویٹس کے جواب میں نومنتخب وزیراعظم کی سابق اہلیہ جمائما خان نے ٹویٹر پر لکھا کہ ان کے دونوں بیٹے اداس ہیں کہ وہ وہاں نہیں، لیکن عمران خان اٹل ہیں کہ انہیں تقریب میں نہیں ہونا چاہیے۔
Thanks. The boys are very sad not to be there but IK was adamant that they should not come.
— Jemima Goldsmith (@Jemima_Khan) August 17, 2018
ٹوئٹر پر موجود کچھ صارفین نے اس بات پر تنقید بھی کی عمران خان کے صاحبزادے اس وقت سوئٹزرلینڈ میں چھٹیاں گزار رہے ہیں، انہیں پاکستان میں ہونا چاہئے تھا۔