پاکستان کے عالمی شہرت یافتہ ای گیمر ارسلان ایش نے ایک بار پھر اپنی صلاحیتوں کا لوہا منواتے ہوئے ایولوشن چیمپئن شپ (EVO) 2026 کے ٹیکن 8 مقابلوں کا ٹائٹل جیت لیا۔
امریکا کے شہر لاس ویگاس میں کھیلے گئے سنسنی خیز گرینڈ فائنل میں ارسلان ایش نے جنوبی کوریا کے نامور کھلاڑی رینگ چو کو 3-2 سے شکست دے کر مسلسل چوتھی بار ای وی او لاس ویگاس ٹیکن 8 چیمپئن بننے کا اعزاز حاصل کیا۔
ایران فیفا ورلڈ کپ سے باہر ہوا یا کیا گیا؟ الجیرین کپتان کے بیان نے ہلچل مچا دی
اس تاریخی کامیابی کے ساتھ ارسلان ایش کے مجموعی ای وی او ٹائٹلز کی تعداد 8 ہو گئی ہے، جو انہیں دنیا کے کامیاب ترین ٹیکن کھلاڑیوں میں شامل کرتی ہے۔
ارسلان ایش کی اس شاندار فتح پر پاکستان سمیت دنیا بھر کی گیمنگ کمیونٹی نے انہیں مبارک باد پیش کی ہے، جبکہ شائقین نے اسے پاکستانی ای اسپورٹس کے لیے ایک اور تاریخی لمحہ قرار دیا ہے۔
