ملک بھر میں رواں ہفتے کے دوران سردی کی لہر اور کہرُا پڑنے جب کہ بالائی علاقوں میں تیز ہواؤں اور گرج چمک کے ساتھ بارش/پہاڑوں پر برفباری کا امکان ہے
محکمہ موسمیات کے مطابق 07 دسمبر سے مغربی ہوائیں ملک کے بالائی علاقوں میں داخل ہونے کی پیش گوئی ہے جس کے باعث 08 سے14 دسمبر کے دوران ملک کے بیشتر علاقوں میں سردی کی لہر کا امکان ہے ۔
سردی کی لہر کے زیر اثر دن اور رات کے درجہ حرارت میں نمایاں کمی کی پیش گوئی کی گئی ہے۔
موسم کا حال بتانے والوں کے مطابق پنجاب، خیبر پختونخوا، گلگت بلتستان اور کشمیر میں دن کے درجہ حرارت (04 سے06) ڈگری سینٹی معمول سے کم رہنے کا امکان ہے۔
جب کہ بلوچستان اورسندھ میں (05سے07) ڈگری سینٹی گریڈ معمول سے کم رہنے کی توقع ہے۔ میدانی علاقوں میں کہرُا پڑنے کی توقع۔ سندھ، بلوچستان اور پنجاب کے علاقوں میں سرد اور تیز ہوائیں چلنے کا امکان ہے۔
07 دسمبر کی (رات) ،08(دوپہر)، 10 (رات) اور11 دسمبر کو چترال، دیر، سوات، مالاکنڈ، بونیر، شانگلہ، مانسہرہ، ایبٹ آباد، کوہستان، استور، غذر، گلگت، ہنزہ، اسکردو، وادی نیلم، مظفرآباد، راولاکوٹ، کوٹلی، حویلیاں اور باغ تیز ہواؤں اور گرج چمک کےساتھ بارش اور پہاڑوں پر برفباری کا امکان ہے۔
اس کے علاوہ 07 (رات) سے08 دسمبر( دوپہر) کے دوران: مری، گلیات، اسلام آباد، راولپنڈی، اٹک، جہلم، چکوال، سیالکوٹ، حافظ آباد، گوجرانوالہ، لاہور، سرگودھا، خوشاب، فیصل آباد اور جھنگ میں تیز ہواؤں اور گرج چمک کےساتھ ہلکی سے درمیانی بارش اور پہاڑوں پر برفباری کا امکان ہے۔