قومی ٹیم کا اسکواڈ زمبابوے کے شہر بلاوائیو سے جنوبی افریقا کے لیے روانہ ہوگیا۔
پاکستان کرکٹ ٹیم جنوبی افریقا کے خلاف 3 ٹی ٹوئنٹی، 3 ون ڈے اور 2 ٹیسٹ میچز پر مشتمل سیریز کھیلے گی۔
زمبابوے سے سلمان علی آغا، عرفان خان نیازی، حارث رؤف، صائم ایوب، ابرار احمد، محمد حسنین، عثمان خان، عباس آفریدی، جہانداد خان، سفیان مقیم، طیب طاہر اور عمیر بن یوسف ڈربن کے لیے روانہ ہوئے ہیں۔
آخری ٹی20 میں زمبابوے کی کامیابی، سیریز پاکستان کے نام
کپتان محمد رضوان، بابر اعظم اور شاہین آفریدی ٹیم کو ڈربن میں جوائن کریں گے۔
حسیب اللّٰہ خان، عرفات منہاس، عامر جمال، صاحبزادہ فرحان اور قاسم اکرم براستہ دبئی وطن واپس روانہ ہوئے۔
واضح رہے کہ پاکستان نے زمبابوے کے خلاف ون ڈے اور ٹی ٹوئنٹی دونوں سیریز 1-2 سے جیتی تھیں۔
